CYFLWYNIAD I MENTER MÔN

Cwmni cyfyngedig trwy warant yw Menter Môn, sef Menter Gymdeithasol a sefydlwyd yn 1995 i gyflwyno rhaglenni datblygu gwledig yr Undeb Ewropeaidd. Mae’n gwmni trydydd sector gyda bwrdd cyfarwyddwyr sy’n cynnwys y sector preifat, gwirfoddol a chymunedol.

Prif nod Menter Môn yw hwyluso adfywiad economaidd gwledig ar Ynys Môn. Er mwyn cyflawni hyn, mae Menter Môn yn cydnabod pwysigrwydd cadw a dathlu adnoddau unigryw a gwerthfawr yr ynys, o’r Gymraeg a’r Wiwer Goch i’n trefi, pentrefi ac arfordir trawiadol, heb anghofio ein pobl ifanc galluog.

 

CYFLWYNIAD I’R GRONFA DATBLYGU GWLEDIG 2014 – 2020 (LEADER)

Menter Môn yw’r corff arweiniol sy’n cyflwyno rhaglen LEADER 2014-2020 ar Ynys Môn.

LEADER yw Cyllid Ewropeaidd sy’n derbyn arian cyfatebol gan Lywodraeth Cymru gyda chyfraniad lleol pellach gan Ymddiriedolaeth Elusennol Ynys Môn, sy’n sicrhau bod prosiectau / peilotiau a gefnogir yn cael eu hariannu 100%.

Amcanion LEADER a Datblygiad Cymunedol Lleol yw:

• I ddefnyddio dull ‘Gwaelod i fyny’ LEADER i annog pobl i gymryd rhan mewn gwella a datblygu eu cymunedau gwledig,
• Creu ffyrdd arloesol o gryfhau gallu a hyder mewn ardaloedd gwledig i helpu i gynnal datblygiad hirdymor yng Nghymru,
• Hyrwyddo cynhwysiant cymdeithasol, lleihau tlodi, a datblygu economaidd mewn ardaloedd gwledig.

Cyflwynir yr uchod trwy’r Pum Thema canlynol yn y rhaglen LEADER: –

• Thema 1 – ychwanegu gwerth at ddiwylliant naturiol a lleol

• Thema 2 – creu grwpiau busnes a chadwyni cyflenwi byr

• Thema 3 – trosglwyddo gwasanaethau anstatudol i’r trydydd sector

• Thema 4 – ynni adnewyddadwy

• Thema 5 – digidol – busnes a chymuned

Cyflwynir y peilot TeliMôn o dan Amcanion Strategol Thema 1 – Ychwanegu Gwerth i Ddiwylliant Naturiol a Lleol.

 

PROSESAU CYMERADWYO LEADER (ARLOESI MÔN)

Mae Grŵp Gweithredu Lleol sy’n cynnwys cynrychiolwyr o fuddiannau economaidd-gymdeithasol lleol cyhoeddus a phreifat yn rhoi arweiniad i’r rhaglen ac yn gyfrifol am holi a chymeradwyo’r holl brosiectau neu beilotiaid terfynol.  Mae’r GGLl yn cynnwys 18 aelod, 7 sector gwirfoddol, 5 sector cyhoeddus a 6 o’r sector preifat. Swyddogion thematig sy’n gyfrifol am nodi prosiectau posibl a chreu cymunedau o ddiddordeb. Os cymeradwyir cynnig, gwneir unrhyw wariant a’i reoli gan Fenter Môn.

Mae’r holl benodiadau a gwariant yn ddarostyngedig i reolau caffael Ewropeaidd.

TeliMôn

CEFNDIR

Mae TeliMôn yn sianel deledu ar-lein gymunedol ddwyieithog yn Ynys Môn, sy’n darlledu ffilmiau byr a chynnwys arall y gellir ei weld ar Facebook, Youtube, gwefan, Twitter ac yn fuan, Instagram. Ar hyn o bryd mae’n cael ei ariannu gan Menter Môn o dan y Cynllun Datblygu Gwledig cyfredol ar gyfer Cymru (rhaglen LEADER) a’i chyflenwi gan Tudur Evans Crefft Media a Dylan Evans Dyluniad.

Bydd TeliMôn yn rhannu, yn llywio ac yn hyrwyddo ein tirwedd, straeon, hanes, diwylliant ac iaith gyda phobl o bob oedran ar raddfa eang trwy gynhyrchu ffilmiau byr sy’n dal ysbryd Ynys Môn ac sy’n cynnig cyfleoedd i bobl â diddordeb mewn ffilmio, cyflwyno, actio a chyfrannu at ddatblygiad TeliMôn yn y dyfodol.

Mewn partneriaeth â Choleg Menai a phartneriaid eraill, mae TeliMôn hefyd yn cyflwyno sesiynau blasu a hyfforddiant ymarferol i bobl o bob oed

 

NODAU TeliMôn

Nod Menter Môn a LEADER (ARLOESI Môn) yw ychwanegu gwerth at adnoddau naturiol a bydd angen i TeliMôn ymdrin â’r Amcanion Strategol canlynol wrth gyflenwi: –

SOI – sicrhau mwy o werth economaidd i weithredwyr lleol sy’n gysylltiedig â llwybr yr arfordir – trwy farchnata a chyfeirio ar y cyd – trwy adrodd hanesion yr arfordir a’i atyniadau amgylcheddol a hanesyddol gan gynnwys ffocws ar yr AHNE

SO3 – Sicrhau mwy o gyfranogiad ac ymelwa ar farchnadoedd treftadaeth a thwristiaeth newydd a rhai sy’n bodoli eisoes mewn ardaloedd yng nghanol yr ynys – trwy edrych ar ledaeniad daearyddol da wrth ddewis ardaloedd papurau bro a cheisio cynhyrchu cynnwys ar gyfer TeliMôn, tra’n annog ymwelwyr i ardaloedd mewndirol Ynys Môn.

SO4 – Cynhyrchu mwy o gyfranogiad mewn marchnadoedd twristiaeth allan o’r tymor gan fusnesau newydd a rhai sy’n bodoli eisoes, gan weithio ar y cyd â chymuned o ddiddordeb – trwy greu cynnwys tymhorol da a thargedu’r demograffeg cywir ar gyfer annog ymweliadau y tu allan i’r tymor i ardaloedd o arwyddocâd hanesyddol ac amgylcheddol

SO5 – Cynyddu ymgysylltiad â busnesau twristiaeth a’r manteision i fusnesau twristiaeth trwy ychwanegu gwerth at ddarpariaethau cymwyseddau digidol presennol – trwy gynnwys eu busnesau mewn setiau ffilmio a straeon am sut y daethant i redeg busnes a sut y maent yn cynnwys eu cwsmeriaid a’u cymuned leol a trwy weithio gyda’r ‘Papurau Bro’ i fod yn ddwyieithog a chofleidio’r oes ddigidol.

SO7 – I godi a harneisio’r defnydd o’r iaith Gymraeg trwy ddyfnhau gwerthfawrogiad a gwybodaeth am ei harwyddocâd ehangach – trwy ddefnyddio ymadroddion Cymraeg, defnyddio cerddoriaeth Gymreig, cyfeirio twristiaid i leoedd o ddiddordeb a phwysigrwydd i’r iaith a’r diwylliant ar yr ynys a chynhyrchu dwyieithog ar gyfer TeliMôn ac annog busnesau ac aelodau’r gymuned i ddefnyddio TeliMôn fel offeryn i gynyddu’r defnydd o’r iaith er mwyn gwerthu eu busnesau ac atyniadau.

SO8 – Sicrhau bod y Gymraeg yn cael ei chlywed a’i gweld yn y gymuned ac yn y gweithle – trwy gynnwys deallus ar gyfer TeliMôn.

SO9 – SO 29 – Mae TeliMôn yn cyfrannu at yr holl Amcanion strategol o dan y strategaeth ddatblygu leol, oherwydd gall a bydd yn creu cynnwys sy’n gysylltiedig â phob thema LEADER, ac mae’n offeryn defnyddiol i farchnata nid yn unig weithgareddau, ond hefyd y GGLl, ei aelodau a’i sefydliadau.

MANYLION Y CONTRACT

Mae Menter Môn yn dymuno caffael gweinyddwr i ddarparu cefnogaeth Gweinyddu Busnes Dwyieithog i TeliMôn / Crefft Media.

Dylai’r Gweinyddwr fod yn drefnus iawn ac yn gallu gwneud aml-dasgau yn rhwydd; mae’r tasgau yn cynnwys:

• Sefydlu systemau busnes hanfodol
• Archebu cyfarfodydd
• Cynhyrchu cofnodion cyfarfodydd Bwrdd
• Diweddaru ffilm ac atodlenni eraill
• Cadw cofnodion ar daenlenni
• Cynnal cronfeydd data mewnol
• Trefnu taliadau a chadw data cywir
• Cadw cofnodion contractwyr (ffisegol a digidol) gan sicrhau bod pob contractwr yn derbyn a chwblhau’r deunyddiau cytundebol perthnasol a chydlynu’r holl weithgareddau gweinyddol dyddiol.
• Cynnal system ffeilio ar gyfer data ar gwsmeriaid a phartneriaid allanol
• Trefnu, storio ac argraffu dogfennau cwmni yn ôl yr angen
• Ateb ac ailgyfeirio galwadau ffôn
• Ymdrin â chwestiynau

Bydd gan ein hymgeisydd delfrydol brofiad fel Gweinyddwr Swyddfa, Ysgrifennydd neu rôl weinyddol berthnasol mewn cymorth busnes. Dylech fod yn gyfarwydd â meddalwedd swyddfa (e.e. MS Office), gan gynnwys proseswyr geiriau, taenlenni a chyflwyniadau.

Cyfnod y Contract

6 mis o Ionawr 2019 (ymdrechir i sicrhau contract hirach)

Cyflog / contract hunangyflogedig – £6,000

 

Yn atebol i

Tudur Evans Crefft Media a Chyfarwyddwr Creadigol TeliMôn

Anfonwch CV ynghyd â llythyr eglurhaol yn nodi pam yr hoffech chi’r rôl hon a’r hyn y credwch y gallech chi ei gynnig i TeliMôn yn ychwanegol at y gofynion uchod, at Jackie Lewis ym Menter Môn, Neuadd y Dref, Bulkeley Square, Llangefni – jackie @ mentermon. com erbyn Rhagfyr 7^fed 2018.

Am ragor o wybodaeth – cysylltwch â jackie@mentermon.com – 01248 725716